جمبري سويت اند ساور

جمبري سويت اند ساور

لكل نص كيلو جمبري وممكن نستبدله بفراخ الدجاج أو سمك فليه، بس ياريت نمشي بالطريقة بالظبط، ومنعملش الحاجة كلها على بعضها مرة واحدة لأنه هايطلع طبيخ في الاخر ومش حلو، لأنه بيفرق في الطعم : 

المقادير :

بصلة صغيرة +ملعقة كاتشب كبيرة +ملعقة صغيرة زنجبيل طازة مفروم+6 فصوص ثوم+معلقة صويا صوص كبيرة +فلفل الوان أو نوع واحد قد نص كوب+ملعقتين زيت +نص كوب أنانانس متقطع وممكن نستغني عنه +ملح +فلفل حار+ملح+ملعقة خل +ملعقة نشأ صغيرة مذوبة في نص كوب ماء وملعقة كبيرة من الكاتشب.

الطريقة:

1- الطريقة الأولى :نتبل الجمبري بالثوم والشطة ونسيبه عل جنب شوية ،في الووك نحط ملعقة الزيت ولما تسخن ننزل بالجمبري والزنجبيل. ونشوحه لمدة دقيقتين على نار عالية ونشيلو وتخليه على جنب ،ونحط ملعقة الزيت الثانية ولما تسخن نحط البصل والفلفل الوان علي نار عاليةونفضل نقلب لحد مايحمرو شوية دقيقتين نرجع الجمبري تاني والاناناس(وممكن نستغني عن الاناناس) ونقلب ونضيف المية اللي بالنشا والكاتشب والخل ،ونسيبهم خمس دقائق.

2-الطريقة الثانية :نعمل خليط التمبورا اللي هي دقيق ونشأ ومية ونغمسها ونقليها،وونمشي بالخطوات اللي فاتت وهانبدا نشوح الخضار ونحط بعد كدا الجمبري وبقية الحاجة في الآخر.

سؤال من الأخت
ياريت الطريقة مريم وياريت طريقة فراخ سويت اند سور انا اشتريت صوص سويت اند سور واشتريت شيلي سويت صوص وعندي صويا صوص وورشستر صوص واناناس معلب عايزة اعمل فراخ بكرة ياريت بعد اذنك ماتتاخري عليه

نفس الطريقة الطريقة فوق حبيبتي ،بس مش هاتحطي الكاتشب والفلفل الحراق ،طب انتي عاوزا الطريقة السريعة زي دي