كوردون بلو و بطاطس وسلطه

كوردون بلو و بطاطس وسلطه
كوردون بلو الدجاج

الغدا يا بنات كوردون بلو و بطاطس و سلطه سريعه 
الكوردون بلو عملته بصدور الدجاج الديك الرومى فردت الشريحه رفيع و بعدين رشيت ملح و فلفل اسود و بهارات فراخ الدجاج و رشه بصل و توم بودره و لو حابين اى اضافات براحتكو و بعدين حطيت اللحم المدخن و بعدين الجبنه و اول حاجه قفلت اللحم المدخن كويس من كل الجوانب على الجبنه و بعدين لفيت الشريحه و بعدين حطيتها فى الدقيق و بعدين بيض و اللبن و يكون فيه رشه ملح و فلفل اسود و بعدين على البقسماط و ندوس كويس و مره تانى على البيض و بعدين البقسماط تانى علشان مانديش فرصه للجبنه تطلع بره و ماتخفوش مش هاتطلع و على زيت مايكنش سخن اوى علشان مايتحرقش من بره و جوه يكون نى و نقلبه كويس وبس و بالف هنا .

تانى حاجه سلطة البطاطس :

- بطاطس مقطعه و مسلوقه عادى و بعدين شطفتها بميه ساقعه و قشرتها و بعدين حطتها فى طبق و رشيت ملح و فلفل اسود بس وزبده سايحه و على المايكرويف 2 دقيقيه تقريبا و اول ما تطلع رشيت بقدونس مجفف و لو فى طازه يكون احلى و احلى و بالهنا و الشفا تانى مره
تالت حاجه دى سلطه سريعه عباره عن فاصوليا حمرا بجبها كمبوت فى صفيحه جاهزه و بشطوفها و احطها مع جرجير او خص و بصل و ملح و فلفل و معلقه خل و نقطه زيت وبس