برجر لحم منزلي - خبز هامبرغر

برجر بيتي مع العيش البيتي 

طريقة البرجر

هادي ،هاتديكم برجرنفس البرجر الجاهز مش طعم كفتة واضمن واحلى ،

مقاديرها كالتالي:

كل نص كيلو لحمة مفرومة عليها ملعقتين كبيرة ستيك صوص + وملعقة خل بلسمي كبيرة + وملعقة صويا صوص كبيرة + وملعقتين صغيرين بصل بودرة بلاش طازة ،+ ونص ملعقة صغيرة ثوم بودرة برضو بلاش طازة  + وملح وفلفل أسود + وربع ملعقة صغيرةكسبرة ناشفة + وملعقة كبيرة بقسماط + وملعقة كبيرة برغل منقوع وبيضة ،ونخلطهم كويس ونخليهم فترة في الثلاجة قد تلات ساعات علشان النكهات تتجانس ،بعد كدا نشكلها دواير ونشويها في صنية الجريل أو على الفحم.

نعملها صوص عبارة عن: مايونيز وماستردة وشوية كاتشاب وممكن لو تحبو تحطو باربيكيو صوص أو جارليك تشيلي صوص زي مانحب، وبقطع أحيانا عليه بصل مكعبات صغير واحطه في خلطة الصوص لو مش عاوزين طعم البصل بيبقى حاد ونغلف بيه العيش من جوا او نحط بصل حلقات،خيار مخلل ،وطماطم وخس، والجبنة نحطها في آخر مرحلة في تسوية البرجر وهو على النار علشان تسيح.
وعملت نوع تاني زي السويس اند ماشروم عبارة عن :
ماشروم قد كوب نشوحه في ملعقة زبدة كبيرة لحد مايدبل شوية ،نضيف نص ملعقة دقيق صغيرة ونقلب وبعد كدا شوية مية ونقلب كويس ونضيف ملح وفلفل أسود و صويا صوص ملعقة كبيرة ،بناخد بالنا هنا من الملح علشان الصويا صوص مالحة والجبنة برضو مالحة ممكن مانحطش ملح ،وبعد كدا نحط إي نوع جبنة كريمي سواء الكوبايات أو ممكن نيستو ونحطها على البرجر بعد ماتتشوى ونحطها في الساندويتش.

العيش - خبز البرجر والساندوتشات

طريقة عمل خبز البرجر

العيش عملته : ثلاث كوب دقيق + اثنين خميرة صغيرة + محسن خبيز أو ربع ملعقة صغيرة بيكينج باودر+ اربع سكر صغير + نص ملعقة صغيرة ملح +كوب ماء + ثلاث ملاعق زيت كبار
نعجن كويس اوى قد ربع ساعة ، وبعد مايخمر نقطعه كور ونسيبه يخمر تاني ولو عاوزين الشكل دا ،بقطاعة مدورة كبيرة اهدنا من جوا بزيت واحطها في الصنية واعمل العجينة كور صغيرة وارصها في القاطعة واضغط عليها واسحب القطاعة ،واكرر الموضوع على مسافات متباعدة علشان لما يخمر العيش ونخبزه في الفرن ،لحد مايتحمر