خبز عيش التوست

عيش التوست : طريقة عمل خبز التوست المنزلي بالصور

المقادير :

1 كيلو دقيق , 2 معلقه خميرة او قطعه خميرة فى حجم عين الجمل , 
3 ملاعق سكر و1 معلقه عسل نحل , 1 معلقه ملح , 1 كوب زبادى -دانون أو ياغورت- ,2 كوب حليب دافئ , 1 معلقه بيج بودر , 1 معلقه خل بتعمل كمحسن خبز , بياض بيضه ( الصفار و2 معلقه حليب ورشه نسكافيه لدهان الوجه مع رش السمسم على وجه عيش التوست) 
ربع كوب زبده سايحه او زيت

طريقه تحضير عيش التوست بالصور :

 الخميرة والسكر والعسل النحل ونص كوب لبن دافئ مع بعض حتى تنشط الخميرة ثم تضاف باقى المقادير كلها ونعجن جيدا حتى تتكون عجينه ناعمه ونتركها نص ساعه تخمر ونقسمها الى ست قطع متساوية ونفرد كل قطعه على الرخامه مع رش دقيق اذا لزم ثم نمرومها اسطوانه وندهن القالب بالسمن مع رش الدقيق وندخلها الفرن ساخن ونضع فى الرف الاسفل صنية فيها ماء تعمل كانها مروحه داخل الفرن وطبعا ندهن الوجه قبل دخولها الفرن وطبعا نتركها ساعه تخمر مرة اخرى قبل دخولها الفرن حتى تتضاعف العجينه وباقى الصور أسفل الموضوع .

ده صورته بعد ما مبرمته وحطيته فى القالب

درجه حرارة الفرن على 180 ومش تنسى الصنية اللى فيها ميه فى الفرن فى الرف اللى تحت

وده بعد ماخمر ودهنت الوجه

واهم مرحله انك تسبيه يخمر كويس وبعرف انه استوى بلاقى الجنب لونه احمر زى اللى فى الصورة لانه بعد مايدخل الفرن بيعلى زياده عن القالب
يعنى بيحمر من فوق والجوانب كلها

وده صورته من الجنب بعد ماستوى

وده صورته بعد مابرد وقطعته

ملحوظه عسل النحل مع الخميرة بيكون له نتيجة كويسه والخل بيعمل كمحسن خبز وبيخليها هاشه وبالهنا

ملاحضة 2 ; ممكن تعملى المقدار كله وتاخدى منه على قد قالب واحد وتعمليه والباقى تشليه فى الفريزر على قد كل قالب فى كيس ولما تيجى تعمليه خرجيه من الفريزر يخمر تانى