فطاير محشية

                                          فطاير محشية

   كنخلط فالخلاط كاس ونص الما و2 معالق كبار الخميرة العادية و2 معالق كبار سكر سنيدة و3 معالق زيت و2 معالق الحليب نيدو غبرة ورشة من الملح من بعد مانخلط هاد الخليط كنضيفو على 3 الكيسان الطحين وممكن اكثر شوية على حسب نوعية الطحين والطحين نكون مخلطاه مع معلقة كبيرة خمارة الحلوى وكنعجن مزيان حتى يصبح عجين مدلوك ومطلوق ثم نخليه يخمر شي 15 او 20 دقيقة على حسب حرارة المكان حتى يخمر العجين 
من بعد مايخمر العجين كنفردو بالمدلك حتى ترقاق العجينة ثم نشكلها على شكل مثلثاث ونبقى نحشيها بفرماج كيري او جبن على حسب رغبة ونلفها حتى تصبح مشكلة كيف اللي فالصورة ثم ندهنها بالحليب ونزينها بالزنجلان او الحبة السوداء وندخلها للفرن تتحمر 

                                                  وبالصحة والراحة