الشوربة الليبية بالصور

جتني مرت ولدي وقالت لي امي هي تناديني امي قلت لها ها شن فيه قالت لي ابو الحروف نطلب طلب لما اتقولي هكي هي والا البنات نعرف ان الثلاجه فاضيه ومعناها نوضي دبري العشاء نضت فتحت الثلاجه لقيت عظم ينقز في صحن وصدر دجاجه وربطة معدنوس وشوفو شن طلعت منهم مشيت للداليا امتع العنب قطعت وريقات متوسطات وغسلته ودرتله فورين اميه وقرضت صدر الدجاج مع شحمة ليه ودرت خلطه ضولمه ( براك ) ولفيته وحطيته في الطنجره ودوبت كوب ونصف اميه فيهم كاشيك طماطم حكه وشويه ملح وصبيته عليه اول ماطبخ نقصت الغاز ع الاخر وبعد ساعتين فتحت عليه وضقته لان ورق العنب مش زي السلق والعظم درت بيه شوربه ليبيه وتعشينا والامور ميه ميه نصيحه لازم البراك اتحطي له شحمة لية خروف نسبة باهيه ايجيك مانحكي لكش اتحطي اي شي تفرشي الطنجرة واتحطي صونية وترصي البراك وتصبي عليه الصلصه وحطي فيها نعناع وثوم وحطي صونية فوقه وغطيه بالسلفر وبالصحه