بيتزا بالكروفيت

بيتزا بالكروفيت

 العجين:

1/2 كيلودقيق+كاس الا ربع زيت العود+ملح+ابزار+زعتر+كاس صغير ماء دافئ فيه شوية خميرة خبز وشوية خميرة حلوى
نعجن العجين ونضيف عليها كاس الماء لي فيه الخميرة واذا جاتني قاصحة نزيدها ماء وندلكها مزيان وندخلها لللاجة نصف ساعة

الحشوة 

 درت فيها بصلة+فلفلة وشلضين زدت عليهم زيت وملح وابزار وشوية هريسة وحطيتهم يتشحرووخليتهم على جنب تم خديت شومبنيون وشحرتو في شوية زبدة وملح ومعدنوس وابزار 
من بعد خديت عجينة بيتزا وطلقتها بالمدلك وتقبتها بالشوكة ودخلتها للفرن طيب نصف طيبة وخرجتها ودهنتها بلاصوص لي درت فيها صلصة طماطم شوية زيت وملح وابزار وماء وخليتها طيب ثم درت عليها فرماج محكوك ثم درت طبقة ديال البصلة والفلفلة لي شحرتم ثم الشومبنيون ثم الكروفيت لي سلقتو شوية ورشتها بالرماج المحكوك ودخلتها للفرن

وبالصحة