العجينة اليابانية

عجينة تحفففففففة منتشرة فى اليابان لصنع المعجنات بأشكالها المختلفة

العجينة اليابانية

بيستخدم فيها خليط الدقيق ومايضاعفة 5 مرات من المية يتم تسخينة ثم يضاف للعجينة الاصلية
ودة بيخلى مادة الغالوتين الموجودة فى اادقيق تمتص الرطوبة اكتر فتنتج عجينة اكتر ليونة وتعيش فترة اطول

مقادير و طريقة تحضير العجينة اليابانية

معلقتين كبار دقيق
نص كوب مية

نحطهم فى حلة على النار وتكون هادية مع التقليب المستمر لغاية ما تتقل وتبقى زى الباشميل بس من غير ما تغلى
نصبها فى طبق ونغطيها علشان ما تكونش قشرة ونسيبها تبرد كويس
بعد ما تبرد نحطها فى العجان وعليها 2وربع كوب دقيق
2 م ك لبن بودرة
3 م ك سكر
نص معلقة صغيرة ملح
بيضة
1 م ص خميرة
نخلط كل مقادير العجينة اليابانية دى كويس وننزل بالمية شوية شوية بتاخد من ربع ل نص كوب مية
بعد ما تلم معاكى ضيفى 3 م ك زبدة قطعة قطعة لغاية ما تتكون معاكى عجينة لو احتاجت دقيق ضيفى شوية
سيبيها تخمر وشكليها زى ما انت عايزة
انا هنا عنلت كرات محشية جبنة بيضا وفلفل اخضر بعد التشكيل سيبيها تخمر تانى نص ساعة وادهنى الوش بيض ودخليها فرن سخن
العجينة دى قعدت طازة 3 ايام جربو العجينة اليابانية هاتعجبكو جدا